Kama Taifa tuna kila sababu ya kujivunia namna ambavyo tunaweza kuuenzi na kuulinda Muungano:RC Kunenge

Posted on: April 24th, 2023

Mkuu wa Mkoa wa Pwani Mhe Abubakar Kunenge leo April 24, 2023 amefungua Kongamano la Miaka 59 ya Muungano wa Tanganyika na Zanzibar.

Kongamano hilo limefanyika Ukumbi wa Shule ya Uongozi ya Mwl Nyerere Kibaha na kuhudhuriwa na Viongozi wa Mkoa huo, Wanafunzi wa Vyuo, wazee Maarufu, Viongozi wa Dini na watendaji na Watumishi Mbalimbali.

Mhe Kunenge ametumia wasaa huo kueleza kuwa Kama Taifa tuna kila sababu ya kujivunia namna ambavyo tumeweza kuuenzi na kuulinda Muungano. Ameeleza mataifa makubwa mengi zimeshindwa kulinda Muungano wao."Muungano wetu ni Muungano wa kihistoria" amesema Kunenge.

Amesema kauli mbiu ya mwaka 2023 ya Sherehe za Muungano ni Umoja na mshikamano ndiyo nguzo ya kukuza Uchumi. Amesema kuwa Faida za Umoja ni kubwa kuliko kutengana. Amesesita kila mmoja anawajibu wa kulinda na kuuenzi Muungano.

Amepongeza Serikali kwa mpango mzuri wa maadhimisho ya mwaka 2023. Amesema kuwa watu wengi hawakuwepo wakati wa Muungano hivyo makangamano kama hayo ndyo njia pekee ya kurithishana Muungano.