Kunenge awataka Wahitimu wa JKT kuwa Wazalendo wa Taifa

Posted on: September 14th, 2022

Mkuu wa Mkoa Pwani , alhaj Abubakari Kunenge amewaasa wahitimu wa JKT Kuwa wazalendo wa Taifa lao pamoja na  kuzingatia nidhamu, utii, uaminifu, uhodari kwa kuzingatia kiapo kinavyowataka.

Aidha amewataka vijana kuwa makini na teknolojia na kutumia ujuzi,elimu na mafunzo waliyoyapata vizuri kwa ajili ya kujenga Taifa na kuinua uchumi.

Kunenge alitoa Rai hiyo ,alipokwenda kufunga mafunzo ya JKT  kwa mujibu  ya oparesheni Jenerali Venance Mabeyo katika viwanja vya Ruvu JKT  832  .

Awali alipata wasaa wa kuzindua jengo la  wodi ya wanaume na wanawake  Ruvu JkT ,maabara ya  kutotoleshea vifaranga  vya samaki katika kambi ya Ruvu JKT.

Kunenge amepongeza uongozi mzima kwa ujasiliamali  kwani wahitimu wanapata fursa ya kujifunza elimu, ujasiliamali na uzalendo.

Mafunzo hayo yalianza na Jumla ya vijana 3,342 Juni 2022, na kukaa kambini miezi mitatu ya mafunzo ,kati ya vijana  hao 3,326 wamehitimu mafunzo yao  vijana 16 hawakufanikiwa kuhitimu kwa sababu mbalimbali ikiwemo utovu wa nidhamu na wengine kutoroka.