Mchatta aishukuru Wizara ya Mifugo uanzishwaji wa BBT Life Pwani

Posted on: January 16th, 2024

Katibu Tawala Mkoa Pwani ambae pia ni skauti mkuu wa Tanzania Rashid Mchatta leo Januari 15, 2024 amekutana na kufanya mazungumzo na ujumbe kutoka Wizara ya Mifugo na Uvuvi kuhusu namna ya kuanzisha na kutekeleza mradi wa wanawake na Vijana BBT_life katika sekta ya mifugo mkoani humo.

Akiongea kwa niaba ya ujumbe huo, Mkurugenzi msaidizi wa utafiti wa Mifugo na mafunzo kutoka Wizara ya Mifugo na uvuvi Hassan Mrutu amesema utekelezaji huo umewalenga hasa Vijana katika kuwafundisha suala la ufugaji wa kibiashara na utatekelezwa kwa siku 90 ambapo vijana 30 watachaguliwa kuanza mafunzo hayo.

Katika kikao hicho ambacho kimehudhuriwa na wataalam mbali mbali kutoka Sekretariet ya Mkoa, Mchatta ameishukuru Wizara ya Mifugi na uvuvi kwa kuuleta mradi huo mkoani hhumo na kuahidi kuutekeleza mradi huo kwa ufanisi.