Mkuu wa Mkoa wa Pwani ahimiza kufufua zao la korosho Wilayani Kisarawe

Posted on: May 9th, 2017

Mkuu wa Mkoa wa Pwani Mhe. Mhandisi Evarist W. Ndikilo amewataka wananchi wa Kisarawe kufufua zao la korosho kama ilivyokuwa miaka ya nyuma ambapo Wilaya hiyo ilikuwa ikisifika kwa kulima zao hilo.

Hayo aliyasema wakati akiongea katika mkutano wa wananchi uliofanyika katika kata ya Mzenga wakati alipofanya ziara yake ya kuhamasisha kilimo  cha mazao ya chakula na biashaara Wilayani hapo.

Aidha Mhandisi Ndikillo alieleza  kwamba zao la korosho liwe azimio la baraza la Madiwani Wilayani humo  kwani kulima korosho kwa wingi kutasaidia  kwa kiasi kikubwa kupunguza umaskini kwa wananchi wa Kisarawe.

Mhe. Ndikillo pia ameonya wizi unaofanywa na baadhi ya vyama vya Ushirika  vya Msingi vya Korosho(AMCOS) kwa wanunuzi wa korosho  pia amewapiga marufuku kangomba kwani inasababisha hasara kwa wakulima wa korosho badala yake utumike mfumo wa stakabadhi ghalani.