Mradi wa Mifumo ya Umeme Jua na Usamabazaji wa Majiko Banifu kwa Bei ya Ruzuku waanza Mkoani Pwani.

Posted on: August 18th, 2025

Mkoa wa Pwani Kupitia wakala wa Nishati Vijijini (REA) umepokea Miradi ya Nishati ya Zaidi ya shilingi Bil. 1.777 ambazo kati yake Zaidi ya Sh. Bil. 1.3 ni za Umeme Jua wenye Teknolojia isiyotumia Nyaya utakaonufaisha Kaya 2,243 na Sh. Milioni 477 za utekelezaji, usambazaji na ugawaji Majiko Banifu 10,650 kwa wananchi.

Akizungumzia mradi wa Majiko Banifu, Mkuu wa Mkoa wa Pwani Mhe. Abubakar Kunenge amesema ni Jitihada za serkali katika kuhamasisha wananchi kuhusu matumizi ya nishati safi na utunzaji wa mazingia hususan katika kukabiliana na ukataji wa miti ovyo.

Ameeleza kuwa katika miradi hiyo, serikali imetoa ruzuku ya asilima 80 kwa kila mradi ili kuwezesha wananchi kupata huduma hizo kwa gharama nafuu.

Kwa Upande wake Meneja wa Teknolojia za Nishati wa wakala wa Nishati Vijiji - REA Mhandisi Michael Kyssi amesema kwa mkoa wa Pwani majiko 10,650 yatauzwa kwa bei ya Ruzuku ya shilinhi 10,200 kwa jiko moja.