Ni marufuku kufanya shughuli za kibinadamu pembezoni mwa Mto Rvu-Ndikilo

Posted on: March 25th, 2018

Mkuu wa Mkoa wa Pwani Mhe. Mhandisi Evarist Ndikilo, ameutaka uongozi wa DAWASA Mkoani Pwani kuhakikisha wanawasimamia vizuri wakandarasi  waliopewa kutekeleza mradi wa usambazaji maji katika maeneo ya EPZDA na maeneo mengine na kuhakikisha kuwa mradi  huo unakamilika kwa  wakati.

Rai hiyo  aliitoa mwishoni mwa wiki hii ,wakati alipokuwa katika ziara yake ya kukagua na kuangalia miradi ya DAWASA inavyoendelea kutekelezwa Wilayani  Bagamoyo.

Katika Hatua nyingine Mhe. Ndikilo, amepongeza hatua iliyofikiwa ya utandikaji wa mabomba na ujenzi wa tanki kubwa ambalo litakuwa na uwezo wa kuhifadhi maji lita million 6 kwa wakati mmoja.

Aidha amekemea vikali tabia ya wananchi  kufanya shughuli za kibinadamu pembezoni mwa mto Ruvu, na kuwataka waache mara moja  tabia hiyo.

“Sintasita kumchukulia hatua kali za kisheria kwa mtu yeyote yule atakayeendelea kufanya shughuli za kibinadamu kando kando ya mto Ruvu alisema Mkuu wa mkoa Mhe. Engr Ndikilo.

Pia alisema kuwa  mto Ruvu hutegemewa kwa asilimia 88% kwa uzalisha maji  yanayotegemewa na Wakazi wa Mkoa wa Pwani na Dar es salaam.