Pwani yaanda maonesho ya nne ya Biashara na Uwekezaji

Posted on: November 6th, 2024

Mkoa wa Pwani umeandaa maonesho ya nne ya Biashara, Uwekezaji na Pwani Konekt kwa lengo la kuongeza uwekezaji, kukuza biashara, na kuendeleza fursa za maendeleo endelevu katika uchumi wa bluu na kidijitali.

Katibu tawala msaidizi Viwanda, Biashara na Uwekezaji Rehema Akida amesema kuwa  maonesho  hayo yanatarajiwa kufanyika kuanzia tarehe 10 hadi 16 Desemba mwaka huu katika viwanja vya Stendi ya Zamani ya Mabasi Maili Moja, wilayani Kibaha, Mkoani  Pwani.

Ameeleza kuwa maonesho hayo yatawezakuwakutanisha wafanyabiashara wakubwa, wa kati, na Wadogo kutoka ndani na nje ya Tanzania kwa ajili ya kuchangamkia fursa za uwekezaji na biashara katika Mkoa wa Pwani na kukuza soko la bidhaa za Tanzania.

Pamoja na maonesho, ameeleza kutakuwa na kongamano la Uwekezaji litakalofanyika tarehe 12 Disemba 2024 katika ukumbi wa Shule ya Uongozi ya Mwalimu Julius Nyerere, Kibaha.