Pwani yapania kupunuza Vifo vya mama na mtoto

Posted on: January 11th, 2019

Jumla ya watoto wachanga 475 wamefariki dunia baada ya akinamama 41,064 kujifungua Mkoani Pwani mwaka 2018 , hali ambayo inaonyesha idadi ya vifo vitokanavyo na uzazi kimkoa kuwa juu.

Aidha kati ya akinamama hao 41, 064 waliojifungua akinamama 67 walifariki dunia kutokana na uzazi.

Hayo yalielezwa na Mganga Mkuu wa Mkoa wa Pwani ,dokta Gunini Kamba , wakati Mkuu wa Mkoa wa Pwani , Mhandisi Evarist Ndikilo aliposaini hati ya makubaliano na wakuu wa Wilaya za Mkoa wa Pwani  juu ya  kampeni ya kuzuia vifo vinavyotokana na uzazi, kampeni ambayo itafanyika kwa muda wa miezi 12

Dokta Kamba alisema kuwa vifo vya watoto wachanga na akinamama wanaojifungua  vimekuwa  vingi hali ambayo hairidhish,i hivyo kampeni hiyo itasaidia kupunguza idadi ya vifo hivyo

“Lengo hilo linaweza kufikiwa endapo akina mama watafuata maelekezo ya kiafya wanayopatiwa wakati wa uzazi ili waweze kuvuka salama katika kipidi cha uzazi “alisema Dkt Kamaba.

Pamoja na hayo Dkt Kamba aliwataka akinamama wajawazito kuhakikisha kuwa  wanaanza kliniki mapema pindi wanapoona dalili za ujauzito ili kujua afya zao.

Pia waendelee kufatilia afya zao kulingana na utaratibu watakaopatiwa hadi wakati wa kujifungua bila kupuuzia.

“Na wakijifungua  inapaswa kuhakikishiwa ndani ya lisaa limoja baada ya kujifungua mtoto anyonye “alifafanua Dkt kamba.

Akihitisha zoezi hilo nae  Mkuu wa Mkoa wa Pwani , Mhandisi Evarist Ndikilo aliwataka Wakuu wa Wilaya  kwenda kusimamia malengo hayo ili kufanikisha kampeni hiyo kiwilaya , kimkoa na kitaifa kwa kiujumla.