Katibu Tawala wa Mkoa wa Pwani, Rashidi Mchatta, ametoa pongezikwa wananchi mkoani hapa kwa kuendelea kujitokeza kwa wingi na kujiandikisha katika orodha ya wapiga kura kwa ajili ya Uchaguzi wa Serikali za Mitaa unaotarajiwa kufanyika Novemba 27, 2024.
Pongezi hizo amezito leo Oktoba 20,2024, wakati alipofanya ziara fupi ya kutembelea vituo mbalimbali vya kuandikisha wapiga kura katika Halmashauri za Bagamoyo, Chalinze Kibaha na Halmashauri ya Mji kibaha, ambapo alipita na kuendelea kuwahimiza wananchi kuchangamkia fursa hiyo, hasa ikizingatiwa kuwa leo ni siku ya mwisho ya zoezi hilo.
Akizungumza na wananchi, Mchatta amewaeleza kuwa kujiandikisha ni hatua muhimu inayowawezesha kushiriki kikamilifu katika uchaguzi huo, na pia ni haki yao ya kikatiba.
Aidha, amewasistiza kuwa ushiriki wao katika zoezi hili utawapa fursa ya kuwachagua viongozi wanaowataka ambao watawaletea maendeleo katika maeneo yao.
Katika hatua nyingine, Mchatta amewapongeza Wakurugenzi wa Halmashauri hizo kwa usimamizi mzuri wa zoezi la uandikishaji wa wapiga kura.
Ofisi ya Mkuu wa Mkoa wa Pwani
Sanduku la Posta: 30080 Kibaha
Simu ya Mezani: 023 2402287/2402500
Simu ya Mkononi: 023 2402287/2402500
Barua pepe: barua@pwani.go.tz
