RAS Pwani atoa wito wakaguzi UTUMISHI kupewa ushirikiano

Posted on: May 16th, 2023

Katibu Tawala Mkoa wa Pwani ambaye pia ni Skauti Mkuu wa Tanzania Rashid Mchata ametoa wito kwa waajiri kwenye Mamlaka za Serikali za Mitaa mkoani humo kutoa ushirikiano kwa Wakaguzi toka Idara ya Rufaa na Malalamiko katika Tume ya Utumishi wa Umma.

Mchata ametoa wito huo leo Mei 16, 2023 alipokutana na kufanya mazungumzo na wakagunzi hao waliopo Mkoani humo kikazi.

Katika mazungumzo hayo, wakagunzi hao walieleza kuwa moja ya wajibu wao ni kusimamia utekelezaji wa Sera na taratibu za ajira.

"Majukumu yetu yanafanyika pamoja na taratibu zingine lakini pia yanatokana na malalamiko ya watumishi ikiwa ni pamoja na maagizo na malekezo kutoka kwa viongozi wa juu kwa lengo la kuongeza ufanisi wa utendaji kazi," alifafanua Mkaguzi Neema Mkenda.

Aliongeza kuwa baadhi ya mambo muhimu katika ukaguzi huo ni kuangalia kama sheria, kanuni na taratibu za kiutumishi zinazingatiwa kwenye mifumo ya kiutumishi.

Mazungumzo hayo pia yalishirikisha wakuu wa sehemu na vitengo katika sekretariet ya Mkoa wa Pwani.