RC Kunenge awataka Wakandarasi wa ujenzi wa Barabara kutekeleza kazi kulingana na Mkataba unavyowataka ili kujijengea heshma kwa Serikali na Jamii.

Posted on: September 8th, 2022

Mkuu wa Mkoa wa Pwani Mhe. Abubakar Kunenge amewataka wakandarasi walioingia mkataba wa ujenzi wa miradi ya barabara kutekeleza kazi hizo kulingana na makubaliano na masharti yanavyoagiza ilikujiwekea heshima kwa serikali na jamii kwa ujumla

"Niwaombe mmeomba kazi mmepata kazi fanyeni kazi kwa mujibu wa mikataba mliyoipata leo mkifanya kazi vizuri itawasaidia kupata kazi nyingine ujenzi uanze mara moja kama mikataba inavyoeleza.

Ameyasema hayo leo septemba 8, 2022 mara baada ya halfa ya kusaini mikataba 40 ya matengenezo ya barabra ya mwaka wa fedha 2022/2023 TARURA Mkoa wa Pwani yenye dhamani ya Shilingi bilioni 10.8,

Aidha  Meneja wa TARURA Mkoa wa Pwani leopold Lunji amesema fedha hizo zitakwenda kuongeza matengenezo ya barabara za lami kutoka kilometa 74 zilizopo hivi Sasa hadi kufikia kilometa 84, kufanya ukarabati kwa kiwango Cha changarawe kilometa 198, ujenzi wa makaravati 162 pamoja na ujenzi wa madaraja 8.

Mhe. Kunenge ametoa shukrani kwa uongozi wa awamu ya sita wa Mhe. Rais Samia Suluhu Hassan kwa kuendelea kuupatia Mkoa wa Pwani fedha kwaajili ya miradi ya barabara na kuwahasa wakandarasi wawe waaminifu kulingana na mikataba hiyo.

Hafla hiyo ya utiaji saini imefanyika katika ukumbi wa mikutano wa ofisi ya mkuu Mkoa waPwani huku ikishuhudiwa na  Mkuu  huyo wa Mkoa wa Pwani na Katibu Tawala Mkoa wa Pwani zuwena Omary.