RC Kunenge awataka Wakurugenzi kusimamia vizuri matumizi ya fedha ya Miradi ya maendeleo

Posted on: October 27th, 2023

Mkuu wa Mkoa wa Pwani ,Abubakari Kunenge ,amewaagiza wakurugenzi wa Halmashauri  kusimamia ipasavyo ukusanyaji wa mapato  na kusimamia vizuri  matumizi  ya fedha  ya miradi ya maendeleo.

Aidha amekiagiza  kitengo cha TEHAMA (IT) kubuni mifumo iliyo bora ya ukusanyaji wa mapato kwa pamoja ili kuweza kuzuia mianya ya ubadhilifu.

Rai hiyo ameitoa leo Oktoba 27 wakati wa kikao kazi kilichofanyika katika ukumbi wa mikutano ofisi ya Mkuu wa Mkoa na kilicho wahusisha viongozi wa Mkoa ambao ni Wakuu wa Wilaya, Makatibu Tawala wa Wilaya, Wenyeviti,Wakurugenzi wa Halmashauri, Wakuu wa Idara , Vitengo Sekretariet ya Mkoa pamoja na wakuu wa taasisi ya umma.

Amewataka watendaji wote kufanya kazi kwa weledi ili kuweza kufikia malengo ambayo mkoa umejiwekea.

Vilevile amewaasa viongozi wa mkoa  kuwasimamia ipasavyo wasaidizi wao pamoja na kushirikiana ili kuleta maendeleo ya Mkoa.

Kunenge amesema, matarajio yake makubwa kuona mkoa unafanya vizuri katika sekta zote pamoja na kutatua kero zinazowakabili wananchi.

Mkuu huyo wa Mkoa ,amewataka Wakuu wa Taasisi za Umma kuhakikisha wanatatua changamoto zote zinazowakabili wananchi hasa katika sekta  za Maji, Nishati ya umeme na barabara.