RC Ndikilo afurahishwa na uzalishaji unaofanywa na Gereza la Kilombero-Mafia

Posted on: April 3rd, 2020

Mkuu wa mkoa wa Pwani Mhe. Mhandisi Evarist Ndikilo leo tarehe 2 April 2020 amemkabidhi Mkuu wa Magereza Mkoa wa Pwani ACP Rehema S. Ezekiel vitu vyenye thamani ya shilingi milion 1.3 ikiwa ni msaada kwa ajili ya Gereza la Kilombero lililopo Wilayani Mafia Mkoa wa Pwani.

Mhandisi Ndikilo amekabidhi vitu hivyo baada ya kupokea maombi ya wafungwa wa gereza hilo wakati alipofanya ziara yake ya kikazi Wilayani hapo Novemba 11, 2019 ambapo pamoja na mambo engine alikagua Miundombinu ya Gereza hilo na kuzungumza na wafungwa hao ambao pamoja na mambo mengine waliwasilisha maombi yao kwa Serikali ya Mkoa ya kuwaletea Luninga ili waweze kufuatilia Taarifa mbali mbali, Mpira, Wavu wa kuzuia Mbu na Dawa za kuulia mazalia ya Mbu.

Aidha Mhandisi Ndikilo amefurahishwa na Uzalishaji wa Mazao ya Chakula na biashara unaofanyika katika Gereza hilo, Miongoni mwa mazao yanayolimwa ni Nazi, korosho, mazao ya nafaka, Viazi, Mihogo na Mboga mboga,

Akipokea misaada hiyo Mkuu wa Magereza Mkoa wa Pwani ACP Rehema Ezekiel ameishukuru Serikali ya Mkoa kwa misaada hiyo kwani imeonesha kujali Afya za Wafungwa

ameeleza kuwa kupitia afya njema za wafungwa hao ameahidi kuwa wataongeza uzalishaji wa mazao mbali mbali na watajitosheleza kwa chakula