TASAF III yawanufaisha walengwa 30,893 Pwani kupitia mpango wa kunusuru kaya maskini

Posted on: June 21st, 2019

Jumla  ya walengwa 30,893 mkoani Pwani wamenufaika na utekelezaji wa mpango wa kunusuru kaya maskini (TASAF III) huku zaidi ya sh.bilioni 29 zikiwa zimepokelewa kwa kipindi cha mwaka 2014 hadi Jan 2019.

Akitoa taarifa ya utekelezaji kwa kipindi cha mwaka 2018 -2019, katika kikao cha kutathmini shughuli za utekelezaji wa mpango huo, mratibu wa TASAF Mkoani hapa Mratibu wa TASAF wa Mkoa, Asha Itelewe amesema kuwa  mpango huu umekuwa na mafanikio makubwa kwa walengwa hao.

Aidha ameeleza kuwa  wameweza kubadili maisha yao kwani wapo ambao walikuwa wakiishi kwenye nyumba za makuti na sasa wameezeka kuwa na nyumba bora zenye mabati.

Pia maudhurio ya watoto wa kaya hizo mashuleni yamekuwa mazuri kwa Elimu ya msingi na Sekondari pamoja na mlo wa chakula imeongezeka kutoka mlo mmoja hadi milo mitatu kwa siku.

Itelewe ameongeza  kuwa ,asilimia 70 ya walengwa wameweza kuanzisha miradi ya kilimo na mifugo na asilimia 50 wameanzisha vikundi vya kiuchumi ili kujiinua kimaendeleo.

Licha ya mafanikio hayo , ametaja changamoto zinazowakabili kuwa ni upungufu wa raslimali fedha na walengwa kushindwa kujiunga na  ya Bima a Afya(CHF) kutokana na kiwango cha kujiunga kupanda kutoka 10,000 hadi 30,000 hivyo wengi wao kushindwa kumudu kiasi hicho.

Nae mratibu wa mpango wa kunusuru kaya maskini wilaya ya Mkuranga Safina Msemo,ameelezea wamejiwekea mkakati wa kuanzisha kilimo cha mapapai ..Msemo anabainisha mkakati mwingine waliojiwekea kiwilaya