Viyambulisho Vilivyoboreshwa Kuwainua Wamachinga Kiuchumi -RC Kunenge

Posted on: December 4th, 2024

Mkuu wa Mkoa wa Pwani, Abubakar Kunenge, amezindua rasmi mpango wa ugawaji wa vitambulisho vipya vilivyoboreshwa kwa ajili ya wafanyabiashara wadogo (Wamachinga), akisisitiza kuwa hatua hiyo inalenga kuboresha mazingira ya biashara na kuwapa fursa za kiuchumi.

Uzinduzi huo ulifanyika Disemba 4, 2024, katika kikao cha Kamati ya Ushauri ya Mkoa (RCC) kilichofanyika Kibaha, ambapo baadhi ya Wamachinga walikabidhiwa vitambulisho vyao.

 Mwenyekiti wa Umoja wa Wamachinga Mkoa wa Pwani, Philemoni Maliga, na mwakilishi kutoka kundi la Mama Lishe walikuwa miongoni mwa waliopokea vitambulisho hivyo. RC Kunenge: Miradi ya Barabara Lazima Iweke Kipaumbele Mahitaji ya WananchiMkuu wa Mkoa wa Pwani, Mhe. Aboubakar Kunenge, ametoa wito wa kuhakikisha miradi ya barabara inazingatia mahitaji halisi ya wananchi, kama alivyoelekeza Rais wa Jamhuri ya Muungano wa Tanzania, Dkt. Samia Suluhu Hassan.

Akizungumza katika kikao cha Bodi ya Barabara cha mwaka wa fedha 2024/2025 kilichofanyika Decemba 4,2024, Kunenge alisisitiza kuwa timu maalum iundwe ili kuorodhesha vipaumbele vya miradi kulingana na changamoto zinazowakabili wananchi.Alieleza kuwa utekelezaji wa miradi unapaswa kuanza na vipaumbele muhimu zaidi na kuendelea kwa mpangilio huo.

“Tunahitaji kuhakikisha miradi inatekelezwa kwa kufuata mahitaji halisi ya wananchi.Tukianza na kipaumbele cha mwisho badala ya cha kwanza, tunakuwa hatujajibu changamoto za msingi za jamii,” alisema Kunenge.

Aidha, alisisitiza uwajibikaji wa viongozi katika usimamizi wa fedha za serikali, akihimiza matumizi mazuri yanayolenga kuleta matokeo yanayoonekana katika miundombinu ya barabara, usafiri, na usafirishaji.Kwa kusimamia vipaumbele hivi, mkoa wa Pwani unalenga kuboresha huduma za usafiri na kuimarisha maendeleo ya kijamii na kiuchumi kwa wananchi wake.

Katika hatua nyingine Kunenge alieleza kuwa vitambulisho hivi vilivyoboreshwa vinaunganisha taarifa za mmiliki na namba ya NIDA, hivyo kuwasaidia Wamachinga kupata huduma kama mikopo ya benki na bima za kijamii kwa urahisi zaidi. Aliongeza kuwa mpango huu ni sehemu ya juhudi za Rais Dkt. Samia Suluhu Hassan katika kuhakikisha kundi hilo muhimu linahudumiwa na kufanikisha maendeleo yao.

“Namshukuru Rais wetu kwa kuona umuhimu wa kuwajali Wamachinga. Vitambulisho hivi ni nyenzo muhimu katika kuwawezesha kufanya biashara zao kwa uhuru, huku wakipata huduma stahiki za kijamii,” alisema Kunenge.