RC Ndikilo atoa siku 30 kwa mmiliki wa Kiwanda cha kutengeneza Marumaru cha KEDA kutekeleza ahadi aliyoahidi kwa Wananchi wa Pingo-Chalinze

Posted on: August 14th, 2019

Mkuu wa Mkoa wa Pwani Mhe. Mhandisi Evarist Ndikilo ametoa muda wa mwezi mmoja  kwa  mmiliki wa kiwanda cha kutengeneza marumaru cha  KEDA kilichopo Pingo  Chalinze Mkoa ni hapa kutekeleza ahadi  zote alizoingia na serikali ya kijiji cha Pingo   wakati alipofika katika kijiji hicho kuomba  kuomba apatiwe ardhi kwa ajili ya kujenga kiwanda hicho.

Mhandisi Ndikilo  ametoa agizo hilo baada ya kupokea malalamiko kutoka kwa wakazi wa kjiji hicho wakilalamikia uongozi wa kiwanda hicho kushindwa kutekeleza ahadi walizowaahidi kwamba aendapo wangewapatia ardhi wangewasaidia kuwajengea nyumba  ya mwalimu katika kijiji hicho pamoja na kuwasaidia ukamilishaji wa ujenzi wa  kituo cha afya cha kata ya Pera lakini chakushangaza ahadi hizo hazijatakeleza kwa miaka mitatu .

Akizungumza kwa niaba ya wanakijiji hao mbunge wa jimbo la Chalinze Ridhiwani Kikwete amesema kuwa  kutotetekelezwa kwa ahadi hizo kunaweza kukaibua chuki baiana ya wakazi wa kijiji hicho na mwekezaji jambo ambalo linaweza kuchafua taswira ya nchi.

Kwa upande wake Mkuu wa Mkoa waPwani Mhandisi Ndikilo ameonyesha kusikitishwa kwake na mmiliki huyo kushindwa kutekeleza  kwa wakati ahadi alizoingia na wananchi na hivyo kumpa muda wa siku thalathini awe amezitekeleza ahadi hiyo  ya kumalizia  Zahanati pamoja na Nyumba ya mwalimu.

“Nawapa mwezi Mmoja kutoka leo mkamilishe ahadi  yenu mlioingia na serikali ya kijiji  ambayo mliyoahidiana wakati mnakabidhiana ardhi, kwani ni aibu kwa kampuni kubwa kama hii ya KEDA kushindwa kutimiza ahadi  waliyowekeana na sitaki nisikie tena suala hili ambalo niliulizwa mwaka jana na nikatoa maelekezo kwa Twayford na sasa KEDA wayamalizie leo wananchi wangu wanaendelea kufatilia hilo hapana jengeni uaminifu kati ya wawekezaji na wananchi ili muendelee kushirikiana”alisema Mhandisi  Ndikilo

Aidha ametoa rai kwa wawekezaji wote wa Viwanda  kurudisha  faida kidogo kwa jamii  inayoizunguka ili wananchi waweze kufaidika uwekezaji huo.