Ni marufuku kumzuia Mtoto kufanya mtihani -Samataba

Posted on: July 10th, 2018

 Wazazi Mkoani Pwani  wameonywa na kuacha mara moja tabia ya kuwakataza   watoto  kwenda shule na  kuwashawishi watoto hao kufanya vibaya kwenye mitihani yao ya kumaliza darasa la saba na kidato cha nne kushiriki katika shughuli za kijamii kama njia mojawapo ya kuwapatia wazai kipato.

Rai hiyo imetolewa na katibu Tawala mkoa Pwani,ndugu Zuberi Samataba wakati wa kilele cha maadhimisho wiki ya Elimu Mkoani Pwani .

Aidha alieleza kuwa wapo wazazi na walezi ambao wamekuwa chanzo cha kudidimiza Elimu ,kwa  kuwaachia watoto kudhurura na kujihusisha na  vigidoro na ngoma za usiku .“Serikali haiwezi kukubali mzazi akaachia mtoto kiholela ,watoto ni wa serikali ,mzazi yeyote  atakayebainika kufanya hayo hatutamvumilia , kwani hii inasababisha kudumaza elimu katika  mkoa wetu”Alisema Samataba.

Pia  alizielekeza Halmashauri zote za Mkoa wa Pwani  kuwachukulia hatua wazazi wote wanaowaachia watoto kushiriki katika shughuli za kijamii zisizo rasmi  na hatarishi kwa maisha na ustawi wa   watoto.Alikemea vitendo vya kupewa  mimba za utotoni na maambukizi ya maradhi kwa watoto na amesisitiza kuchukuliwa hatua kali kwa wote wanaosababisha  hayo .

 Alisema kuwa, zipo taarifa  kuwa wapo wazazi wanaojua watoto wao wanafanya vizuri darasani badala ya kuwasaidia wao huwakataza kufanya vizuri .

Naye kaimu Afisa elimu Mkoa wa Pwani ,bibi Hildegard  Valerian Makundi alieleza kuwa uandikishaji  wa wanafunzi wa elimu ya awali bado upo chini tofauti na wanaoandikishwa darasa la kwanza.

“ Lengo Serikali  lilikuwa ni kuandikisha wanafunzi 35,418 kwa ajili ya Elimu ya awali ila  walioandikishwa ni 26,997 sawa na asilimia 76 na uandikishaji darasa la kwanza lengo ilikuwa 47,686 walioandikishwa ni 52,551 sawa na asilimia 110” alieleza Hedegald.

Katika hatua nyingine Mwenyekiti wa Chama Cha Mapinduzi (CCM) Mkoani Pwani ,Ramadhani Maneno alisema kuwa, ili kuhakikisha elimu inaboreshwa ni lazima kushirikiana wadau ,wazazi na walimu kutatua changamoto za kielimu badala ya kuiachia serikali pekee.