RC Ndikilo awataka watumishi wa Halmashauri Pwani Kujituma

Posted on: December 12th, 2019

Mkuu wa wa Mkoa wa Pwani Mhandisi Evarist Ndikilo amewataka  watumishi wa halmashauri  za mkoani hapa kuwa na ushirikiano katika  shughuli  mbalimbali za kiserikali  ili kuondoa  changamoto  zilizopo.

Wito huo ulitolewa na Mkuu wa Mkoa wa Pwani Mhe. Mhandisi Evarist Ndikilo Mjini Kibaha wakati wa mjadala ulihohusu hali ya elimu katika kikao cha Kamati ya Ushauri ya Mkoa kilichofanyika katika ukumbi wa mikutano wa Ofisi ya Mkuu wa Mkoa mwanzoni mwa wiki.

Alisema kuwa zipo Changamoto katika Sekta ya Elimu ambazo zinahitaji ushirikiano wa watumishi wa sekta hiyo na wa sekta zingine ikiwa ni pamoja na wadau mbalimbali ili kukabiliana nazo na akaserma kuwa kila mmoja anatakiwa kutimiza  wajibu  wake kwa ufanisi katika sekta anayotumikia.

Mhandisi Ndikilo alipongeza uongozi wa Wilaya ya Kisarawe kwa kampeni ya tokomeza ziro na wa Wilaya ya Kibaha kwa kampeni ya elimisha Kibaha zinazoendelea katika Wilaya hizo kuwa ziimeleta mabadiliko makubwa katika kuboresha elimu kwa shule za msingi na Sekonadari.

Alisema kuwa kampeni ya elimisha Kibaha ambayo imeanzishwa na mkuu wa Wilaya hiyo mhe. Assumpter Mshama imekuwa Mkombozi kupunguza uhaba wa vyumba vya Madarasa.

“Kampeni za Elimu  zinasaidia  kuondoa  changamoto  za Elimu, nimpongeze mama Mshama  hadi  sasa vyumba 40 vinajengwa  kutokana na kampeni aliyoanzisha  na kisarawe napo kuna wale watoto wanaoshindwa  kuanza kidato cha kwanza sasa  changamoto hizo zitamalizwa  taratibu “ alisema Mhandisi  Ndikilo.

Aidha alitoa wito  kwa  kila Halmashauri kuhakikisha wanafunzi  wote  waliopangiwa kidato cha kwanza wamepata nafasi ifikapo mwezi june 2020.

Katika hatua nyingine Mhandisi Ndikilo alitoa agizo kwa Wakurugenzi kuhakikisha vituo vya afya vilivyojengwa  kwenye maeneo yao vinaanza kufanya kazi.

Katika kikao hicho Ndikilo aliwataka watumishi kufuata maadili ikiwa ni pamoja na kusoma alama za nyakati kwa kufuata kile kinachotakiwa.