RC Ndikilo atangaza neeme ya usafiri kwa wakazi wa kisiwa cha Mafia

Posted on: June 13th, 2019

Serikali imetoa shilingi bilioni tatu nukta nane kwa ajili ya ununuzi wa kivuko cha kisasa kwa ajili ya kusafirishia abiria kutoka bandari ya Nyamisati wilayani Kibiti kwenda Wilayani Maifa ili kuondoa tabu wanaoipata wananchi wa mafia kusafiri kwa kutumia boti ambazo zinahatarisha maisha yao.

Hayo yamesemwa na Mkuu wa Mkoa Pwani Mhandisi Evarist Ndikilo wakati wa ufunguzi wa kikao cha Baraza la Biashara la Mkoa huo kilichofanyika Mjini Kibaha.

Baraza la biashara Mkoa wa Pwani limefanyika hii leo mjini Kibaha kujadili changamoto mbalimbali zinazokabili sekta ya biashara katika maeneo mbalimbali za mkoa huo pamoja na kutafuta suluhisho la changamoto hizo hili kuwezesha sekta hiyo kukua na kuongeza mchango wake kwenye pato la taifa.

Mhandisi Ndikilo  ndiye anayefungua kikao hicho ambapo pamoja na mambo mengine ametangaza hali ya neema kwa wakazi wa visiwa vya Mafia kwamba serikali imetoa shilingi bilioni tatu nukta nane kwa ajili ya ununuzi wa kivuko kwa ajili ya kusafirishia abiria kutoka bandari ya Nyamisati iliyoko wilaya ya Kibiti kwenda wilayani Mafia.

Aidha  amesema kuwa  ununuzi wa kivuko hicho utarahisisha usafiri wa kuingia na kutoka katika visiwa vya Mafia jambo ambalo litafungua visiwa hivyo kibiashara na kuvutia wawekezaji wengi kwenda kuwekeza katika visiwa hivyo na hivyo kuwataka wakala wa ufundi nchini- TEMESA wanaosimamia ununuzi huo kuharakisha mchakato wa kumtafuta mzabuni wa kujenga gati katika Bandari ya Mafia na Nyamisati ili meli hiyo itakapokamilika iweze kuanza kazi mara moja.

Kwa upande wake mkurugenzi mtendaji wa halmashauri ya wilaya ya Mafia Erick Mapunda ameliambia baraza hilo kwamba halmashaurio yake inaendelea na jituhada za kutafuta usafiri wa uhakika wa kusafirisha abiria kwenda visiwani humo ambapo hadi sasa halmashauri hiyo imefanya mazungumzo na chuo cha bahari nchini kutoa meli yake ili itumike kusafirishia abiria kwenda Mafia kuanzia Dar es Salaam